Úndistandaǵy tasqynnan qaza tapqandardyń sany 88-ge jetti
ASTANA. QazAqparat - Úndistannyń soltústik-shyǵysynda toqtaýsyz jaýǵan nóser saldarynan bolǵan laı kóshkini 88 adamnyń ómirin jalmady, dep habarlady NDTV arnasy.
Budan buryn 72 adam qaza tapty dep málimdelgen bolatyn.
"Qazirgi ýaqytta negizinen qutqarý sharalary aıaqtalǵandyqtan, biz basty kúshti zardap shekkenderge kómekke aýdardyq. Tasqynnyń beti qaıta bastady",-deıdi úndilik National Disaster Response Force (NDRF) basshysy O. Sıngh.
Onyń aıtýynsha, zardap shekken eki shtatqa 16 qutqarý komandasy ornalasqan. Olar sý basqan aımaqtan 6 myńǵa jýyq adamdy qutqaryp, turǵyndarǵa shamamen 80 tsentner azyq-túlik pen ózge de qajetti zattardy úlestirdi.
Nóser jańbyr Assam men Meghalaıa shtattarynda bir aptadan beri toqtaýsyz quıyp tur.
