Úndistandaǵy tasqyn: 10 mln adam zardap shekti
NUR-SULTAN. QazAqparat – Úndistanǵa mýsson nóseri alapat zardabyn tıgizip otyr. Assam jáne Bıhar shtattarynda tolassyz jaýǵan jaýynnan keıin bolǵan sý tasqyny 166 adamnyń ómirin qıyp ketti, dep habarlaıdy NDTV telearnasy.
Zardap shekkender sany 10 mıllıonnan asyp ketti.
Dúısenbi tańyndaǵy derek boıynsha, Bıharda 102 adam, Assam shtatynda 64 adam mert bolǵan. Birneshe adam habar-osharsyz ketkender tiziminde.
Aıta ketsek, sý tasqyny shildeniń basynda bastalǵan edi.
Qazirgi ýaqytta Bıharda 7,2 mln adam, Assamda 3,8 mln adam sý tasyǵan aýmaqta oqshaýlanyp qalǵan.
