Úndistandaǵy surapyl daýyl 30 adamnyń ómirin qıyp ketti
ASTANA. QazAqparat - Úndistannyń ońtústiginde bolǵan alapat «Gaıa» daýylynan keminde 30 adam mert boldy, dep habarlaıdy Associated Press agenttigi.
82 myńǵa jýyq adam apat aýmaǵynan evakýatsııalandy. Úndistannyń áskerı-teńiz floty qutqarý jumystaryna eki korabl men tikushaq bóldi. Jergilikti bılik zardap shekkenderge gýmanıtarlyq kómek jiberdi.
Surapyl daýyldyń jyldamdyǵy saǵatyna 90 shaqyrymǵa jetken.
Qutqarýshylar jumada - 13, al senbide 20 adamnyń máıitin tapty. Olardyń basym bóligi sý tasqyny saldarynan, úıleriniń qıraýynan jáne elektr toǵynyń soǵýynan qaza tapqan.
