Úndistandaǵy sý tasqyny: 17 adam qaza taýyp, 1,4 mln-nan astamy zardap shekti
NUR-SULTAN. QazAqparat – Úndistandaǵy Odısha shtatynda sý tasqyny saldarynan 17 adam qaza tapty, dep habarlaıdy QazAqparat NDTV telearnasyna silteme jasap.
Úkimettiń derekterine qaraǵanda, sý tasqynynan aýyldyq jerlerde turatyn 1,4 mıllıonnan astam adam zardap shekken.
10 myńnan astam úı búlingen. Sondaı-aq nóser jańbyr saldarynan jergilikti sý qoımalary lyqa tolǵan. Hırakýd sý qoımasynyń shlıýzin ashyp, sýdy bosatýǵa týra keldi. Bul taǵy birneshe eldi mekenniń sý astyna qalýyna soqtyrdy.
500-den astam adam evakýatsııalanyp, arnaıy uıymdastyrylǵan ýaqytsha ornalasý lagerine jetkizildi.
Zardap shekkender tamaqpen jáne birinshi kezektegi zattarmen qamtamasyz etilýde.
