Úndistandaǵy rekordtyq kórsetkish: bir kúnde 8,4 mln adamǵa vaktsına salyndy

NЬıÝ-DELI. QazAqparat – Úndistan vaktsınalaýdyń jańa kampanııasyn bastady, baǵdarlamanyń birinshi kúni 8,4 mıllıon adam ekpe aldy, dep habarlaıdy QazAqparat Tribune India gazetine silteme jasap.

Úndistan – álemdegi eń iri vaktsına óndirýshilerdiń biri. Alaıda onyń óziniń vaktsınalaý boıynsha kampanııasy baıaý qarqynmen júrdi. Sondyqtan el bıligi halyqtyń eresek bóliginiń barlyǵyna koronavırýsqa qarsy tegin vaktsına salýdy kózdeıtin jańa saıasat endirýge sheshim qabyldady. Oǵan saı, federaldy úkimet elde óndiriletin vaktsınalardyń 75 paıyzyn satyp alyp, Úndistan shtattary arasynda bóletin bolady.

Densaýlyq saqtaý mınıstrliginiń derekteri boıynsha, vaktsınalaý boıynsha jańa strategııanyń iske asyrylýynyń birinshi kúni Úndistanda vaktsına alǵan azamattardyń rekordtyq sany tirkeldi – 8,4 mıllıon. Bul, sonymen qatar, eldegi vaktsınalaý kompanııasy bastalǵannan beri bir kún ishinde salynǵan maksımaldy doza bolyp otyr.

«Búgingi vaktsınalaýdyń rekordtyq sany qýantyp otyr. Vaktsına – bizdiń COVID-19-ben kúrestegi eń myqty qarýymyz. Ekpe aldyrǵan azamattardyń barlyǵyn quttyqtaımyz, sonymen qatar azamattardy vaktsınamen qamtamasyz etý maqsatynda aıanbaı eńbek etip júrgen maıdangerlerge alǵysymyzdy aıtamyz», - dep jazdy Úndistannyń premer-mınıstri Narendra Modı Twitter-de.

Sonyń ózinde qazirgi kezde Úndistan halqynyń 5-ten shamaly ǵana joǵary paıyzy vaktsına alǵan, kóptegen shtattarda vaktsına tapshylyǵy saqtalýda. Sarapshylardyń aıtýynsha, jeltoqsanda 950 mıllıon adamǵa ekpe salyp úlgerý úshin kúnine 10 mıllıon adam vaktsına alyp otyrýy kerek.