Úndistandaǵy órttiń saldarynan 18 bala mert boldy
NUR-SULTAN. QazAqparat - Úndistannyń Gýdjarat shtatyna qarasty Sýrat qalasynda tórt qabatty kommertsııalyq ǵımarat órtendi. Oqıǵanyń saldarynan 18 bala mert boldy, sonymen qatar taǵy birneshe adamnyń jaraqat alǵany habarlandy.
Bul týraly QazAqparat The Times of India portalyna silteme jasap habarlaıdy.
«Qoıý tútin men jalynnan qashqan birneshe oqýshy ǵımarattyń úshinshi jáne tórtinshi qabattarynan sekirip ketken. Olardyń kópshiligi aýrýhanaǵa tústi. Órtti sóndirý jumystary jalǵasýda»,-dep habarlady qalalyq órtke qarsy kúres qyzmeti.
Órtten saqtandyrý dıspetcherlik qyzmetiniń ókili tilsiz jaýdy aýyzdyqtaý men adamdardy qutqarý úshin 19 órt sóndirý tehnıkasy men 2 bıikke kóteretin qurylǵylar qoldanylǵandyǵyn jetkizdi.
Úndistannyń Premer-Mınıstri Naredra Modı órtten qaza bolǵandardyń otbasyna kóńil aıtyp, Gýdjarat shtatynyń basshylyǵy men jergilikti bılik ókilderin zardap shekkenderge barynsha kómek kórsetýdi mindettedi.
