Úndistandaǵy muz kóshkini: 18 adamnyń denesi tabyldy, 200 turǵyn iz-túzsiz ketti
NUR-SULTAN. QazAqparat – Muz kóshkini júrip, saldarynan sý tasqyny bolǵan Úndistanda qurbandar sany artyp jatyr. Jergilikti BAQ habarlaýynsha, qazirgi ýaqytta 18 adamnyń máıiti tabyldy, 200-den asa turǵyn iz-túzsiz joǵalyp ketken, dep habarlaıdy QazAqparat Euronews agenttigine silteme jasap.
Oqıǵa ornynda qutqarýshylar jumys istep jatyr.
Olar soǵylyp jatqan týnnelge kiretin jerdi tazalap, 12 adamdy qutqaryp aldy.
Boljam boıynsha, taǵy bir týnnelde 30 adam bar. Biraq olar ázirge qutqarylǵan joq.
Muzdy kóshkin Ganga saǵasynyń boıyndaǵy ańǵarlardyń birinde jeksenbi kúni tańerteń bastaldy.
Kóshkin bógetti shaıyp ketti. Soǵylyp jatqan eki sý elektr stansasy men jumysshylar kenti qırady.
Ýaqytynda qoldanylǵan sharalar budan da kúrdeli apattyń aldyn aldy.
Eske sala ketsek, budan buryn Úndistannyń taýly aımaǵyndaǵy Ýttarakhand shtatynda qar kóshkini saldarynan ózen sýy tasyp, tabıǵat apatynan 150-ge jýyq adamnyń qaza tapqanyn habarlaǵan bolatynbyz.
Keıinirek Úndistan Premer-mınıstri Narendra Modı Ýttarakhand shtatyndaǵy muz kóshkini saldarynan týyndaǵan sý tasqynynyń baqylaýǵa alynǵanyn málimdedi.
