Úndistandaǵy lańkestik áreket eki poıyzdyń soǵylýyna ákelip soqty: 72 adam qaza tapty
ASTANA. Mamyrdyń 28-i.QazAqparat - Beısenbiden jumaǵa qaraǵan túni jergilikti ýaqytpen saǵat 01.30 shamasynda Úndistannyń shyǵysynda ornalasqan Batys Bengalııa shtatyndaǵy temir jolda jarylys boldy. Jarylys saldarynan Gyaneswari Express jolaýshylar poıyzy joldan shyǵyp ketken, dep habarlaıdy RBK.
Jaǵdaıdy relsten shyǵyp ketken jolaýshylary otyrǵan 13 vagonnyń qarama-qarsy baǵytta kele jatqan taýarly quramǵa soǵylǵandyǵy ýshyqtyryp jiberdi.
Oqıǵa ornynda eldiń barlyq qutqarý qyzmetteri jumys isteýde. Qaza tapqandardyń sany artyp jatyr. Bı-Bı-Sı telekompanııasynyń taratqan sońǵy deregi boıynsha, 72 adam qaza taýyp, 200-i jaralanǵan. Qutqarýshylar apat ornyndaǵy úıindilerdi tazalap jatyr.
