Úndistandaǵy kóshkin 58 adamnyń ómirin qıdy
NЬıÝ-DELI. QazAqparat – Úndistannyń ońtústigindegi Kerala shtatynda kóshkinnen qaza tapqandar sany tamyzdyń basynan beri 58 adamǵa jetti, dep habarlaıdy QazAqparat The Hindu gazetine silteme jasap.
Basylymnyń habarlaýynsha, ótken táýlikte mýsson jańbyrynyń saldarynan bolǵan kóshkin osy apattan eń kóp zardap shekken Mýnnar aýdanynda taǵy da qaıtalanǵan. Kem degende 2 adam mert bolyp, 12 turǵyn habar-osharsyz ketken, 100-ge jýyq adam baspanasyz qaldy.
Negizinen kóshkin qurbany bolǵandar – shaı ósirý plantatsııalarynyń jumysshylary. Óńirde qutqarý jáne izdestirý jumystary jalǵasyp jatyr, onyń júrgizilýine nóser jańbyr men qatty tuman kedergi keltirýde.
Kerala úkimetiniń bas mınıstri Pınaraıı Vıdjaıan málim etkendeı, bılik zardap shekkenderge qarjylyq qoldaý kórsetip, kóshkin saldarynan qıraǵan eldi mekenderdiń turǵyndaryna ýaqytsha lagerler ashqan.
