Úndistandaǵy eski túrme týrısterge arnalǵan mýzeıge aınaldy
ASTANA. QazAqparat - Úndistannyń ońtústiginde Sangareddı qalasynda týrısterge burynǵy túrme ǵımaratynda turý múmkindigi usynylyp otyr. Qyzmet aqyly. Demalystyń mundaı túrin jergilikti turǵyndar Telangana-týrızm (túrme ornalasqan shtat ataýy boıynsha) dep atady. Bul týraly eTurboNews portalyna silteme jasap QazAqparat habarlady.
Týrıst 7,5 dollar tólep, 200-den astam jyl buryn salynǵan túrme ǵımaratynyń bir kamerasynda túneı alady. Saıahatshyǵa túrme kıimin de usynady. Ózimen birge kerek jaraqtardy ǵana - tósek-oryn jáne as úı jabdyqtary men sabyn alýǵa bolady.
Lenta.rý jazǵanyndaı, shtattyń penıtentsıarlyq júıesiniń basshylyǵy osyndaı qyzmet óńirdegi týrızmdi damytyp qanaı qoımaı, demalyp jatqandarǵa túrmedegi ómir qanshalyqty qıyn ekenin de kórsetedi dep otyr.
Ǵımarat 1796 jyly salynǵan jáne bastapqyda kazarma bolǵan. Keıin ony túrmege aınaldyrdy. Túzetý mekemesi 2012 jyly jabyldy. Endi munda Úndistannyń túrme jáne krımınaldyq ómirine arnalǵan mýzeı ornalasqan.
