Úndistandaǵy Burger King gambýrgerlerinen qyzanaqty alyp tastady

ASTANA. QazAqparat - Burger King Úndistandaǵy meıramhanalaryndaǵy gambýrgerlerdegi qyzanaqty osy kókónis baǵasynyń kúrt ósýine baılanysty alyp tastaýǵa májbúr ekenin málimdedi, dep habarlaıdy QazAqparat BBC-ge silteme jasap.

Burger King bul sheshimdi qyzanaq sapasy men jetkizýdiń kqıyndyǵymen baılanystyrdy. Osy ýaqytqa deıin bul ıngredıentti óz mázirinen McDonald's te alyp tastaǵan bolatyn.

Mamandar aýa raıynyń qolaısyzdyǵynan bazarda kókónis tapshylyǵy oryn alǵanyn aıtady.

«Úndistandaǵy azyq-túlik ınflıatsııasy 2020 jyldyń qańtarynan bergi eń joǵary deńgeıge jetkendikten, osy aptanyń basynda AQSh-tyń taǵy bir fast-fýd jelisi Subway de óz mázirinen qyzanaqty alyp tastady», - dep habarlady Reuters.

Úndistanda sońǵy aılarda negizgi taýarlardyń baǵasy kúrt ósti. Shilde aıynda mýssondyq jańbyr egin jetkizý tizbegin úzgendikten qyzanaqtyń bir kelisiniń baǵasy 250 rýpııge (3 dollar nemese 2,37 fýnt) jetti.

Sodan beri qyzanaq baǵasy tómendedi, biraq osy aıdyń basynda Úndistan jetkizilim daǵdarysymen kúresý úshin kórshi Nepaldan qyzanaq ımporttaı bastady.

Búginde Úndistandaǵy qyzanaq el astanasy Delıde jáne Radjasthan men Ýttar-Pradeshtiń soltústik shtattarynda kılogrammy 50 rýpııden satylady.