Úndistandaǵy bógettiń buzylýy: 20-dan astam adam iz-túzsiz joǵalyp, birneshe úı sý astynda qaldy
NUR-SULTAN. QazAqparat - Úndistannyń Maharashtra shtatyndaǵy Tıvarda bóget buzylyp, eki adam mert boldy. Bul týraly sársenbi kúni ANI aqparattyq agenttigi jergilikti ákimshilikke silteme jasap habarlady.
Derekterge sáıkes, 20-dan astam iz-túzsiz joǵalyp ketkender qatarynda. Sondaı-aq, bógetke jaqyn ornalasqan 12 úıdi tolyqtaı sý basyp qalǵan. Oqıǵa ornynda qutqarýshylar jumys istep jatyr.
Maýsym aıynyń sońynda Úndistanǵa sońǵy 10 jyldaǵy eń kúshti mýsson kelgen. Qazirgi ýaqytta Maharashtra shtatynda 20 adam qaza tapqan. Sınoptıkter jaýyn-shashynnyń taǵy birneshe kún jalǵasatynyn boljap otyr.
