Úndistandaǵy aptap ystyq júzdegen adamnyń ómirin qıyp ketti
ASTANA. QazAqparat - Úndistannyń ońtústigindegi Andhra-Pradesh jáne Telangana shattaryndaǵy aptap ystyqtan zardap shekkenderdiń sany 335-ke jetti, dep habarlady RIA Novostı « Times of India» basylymyna silteme jasaı otyryp.
Senbi kúni aptap ystyq saldarynan shamamen 150 adam qaza tapqany belgili bolǵan. Olardyń 73-i Andhra-Pradesh shtatynyń jáne 80-i Telangana shtatynyń turǵyny.
Meteorologtardyń aqparatynsha, jaqyn arada aýa temperatýrasy taǵy kóteriledi. Qutqarý qyzmeti qaýipsizdik sharalaryn saqtap, dalaǵa shyqpaýǵa keńes beredi. 40 gradýstan asatyn temperatýra bul kezde Úndistannyń basym aýmaǵyndaǵy tabıǵatyna tán qubylys. Mundaǵy keı jerlerde naýryz aıynan maýsym aıyna deıin qurǵaq bolady. Keıin ony jańbyrly maýsymy almastyrady. Sáýir men mamyr aılary - mundaǵy eń ystyq mezgil, dep jazdy RIA Novostı.
