Úndistandaǵy aptap ystyq: 9 mln turǵyny bar Chennaı sýsyz qaldy
NUR-SULTAN. QazAqparat - Úndistandaǵy halyq sanynyń kóptigi jaǵynan altynshy, 9 mıllıonnan astam adam tirshilik keship jatqan Chennaı qalasy birneshe aptadan beri apatty jaǵdaıda ómir súrip jatyr, dep habarlaıdy VVS.
Megapolıste sý jetispeýde, munda tipti ómir toqtap qalǵandaı: kóptegen bıýdjettik mekemeler, sondaı-aq meıramhanalar men dámhanalar jáne qonaq úıler jabylýǵa májbúr boldy.
Qalalyq qyzmet sýmen qamtamasyz etýdi 40 protsentke azaıtty.
Qala boıynsha kondıtsıonerler óshirildi, aýrýhanalar syrqattarǵa toly.
Eske sala ketsek, Úndistanda mamyr aıynyń ortasynda bastalǵan aptap ystyq qurǵaqshylyqqa uryndyrdy. Qazirdiń ózinde birneshe ondaǵan adam qaıtys boldy.
