Úndistandaǵy apattan zardap shekkender arasynda qazaqstandyqtar joq - SІM
ASTANA. QazAqparat - Keshe Úndistanda merekede toılap júrgen halyqty poıyz basyp ótken bolatyn. Oryn alǵan oqıǵadan zardap shekkender arasynda Qazaqstan azamattary joq. Bul týraly QR Syrtqy ister mınıstrliginiń baspasóz qyzmeti málim etti, dep habarlaıdy QazAqparat tilshisi.
«Úndistan Tótenshe jaǵdaılar mınıstrliginiń aldyn ala habarlaýynsha, qaza tapqandar men zardap shekkender arasynda Qazaqstan azamaty joq», - dedi QR Syrtqy ister mınıstrliginiń baspasóz hatshysy Aıbek Smadııarov.
Oqıǵa Úndistannyń soltústigindegi Pendjab shtatynyń Amrıtsar qalasynda bolǵan. Poıyz meıramda toılap jatqan halyqty basyp ótip, saldarynan 60 adam mert bolǵan. 100-ge jýyq adam jaraqat alǵan.
