Úndistandaǵy alapat ystyq qurbandarynyń sany 1,7 myń adamnan asty
ASTANA. QazAqparat - Úndistanda sońǵy aptada baıqalǵan alapat ystyq saldarynan keminde 1,7 myń adam qazaǵa ushyrady, dep habarlady TASS IANS aqparattyq agenttigine silteme jasap.
Aýa raıy eń ystyq Andhra-Pradesh jáne Telangana ońtústik shtattarynda tıisinshe 1,3 myń adam jáne 440 myń adam kóz jumdy. Onda kún uzaǵyna aýanyń temperatýrasy Tselsıı boıynsha 47 gradýsqa deıin kóterildi.
Andhra-Pradesh shtatynyń úkimeti barlyq tilekek bildirýshiler aýyzsý jáne sút alý úshin jedel kómek berý pýnktteri ashylǵanyn habarlady.
Aptap ystyq sondaı-aq Batys Bengalııa, Bıhar, Odısha (burynǵy Orıssa) shtattarynda jáne el astanasy - Nıý-Delı qalasynda ondaǵan adamnyń ómirin qıdy.
Úndistannyń meteorologııa departamenti ystyq aýa raıy aptanyń sońyna deıin saqtalatynyn habarlady. Maýsym aıynyń basynda, sonyń ishinde Nıý-Delıde meteorologtar jaýyn jaýatynyn aıtady.
Búkil Úndistanda derlik termometr baǵany osy maýsymdaǵy normadan úsh-jeti gradýsqa joǵary aýa raıyn kórsetýde. Máselen, Gımalaıdaǵy Hımachal-Pradesh shtatyndaǵy Shımla qalasynda temperatýra 28 gradýstan tómen túspeı tur, bul normadaǵydan tórt gradýsqa joǵary.
