Úndistanda juqpaly indet tarap, jaǵdaı kúrdelene tústi
ASTANA. QazAqparat - Úndistanda jyl basynan beri 600-ge jýyq adam dońyz tumaýy atymen tanys H1N1 vırýsyn juqtyryp, qaıtys bolǵan, dep habarlady Bı-Bı-Sı agenttigi.
Sońǵy kúnderi ólim-jitim sany kúrt artyp ketken. Úndistan úkimeti indetti anyqtaý úshin kerek-jaraqtar satyp alyp jatyr. H1N1 indetin juqtyrǵan naýqastardy emdeıtin dárigerlerge arnaıy ekpe salyndy. Resmı derekterge súıensek, dońyz tumaýy 2009 jyly anyqtalǵan. Ol kezde myńdaǵan adam kóz jumǵan bolatyn. Radjastan, Gýdjaratta, sondaı-aq eldiń ortalyq bóliginde ornalasqan Iadhıa-Pradesh shtatynda jaǵdaı barynsha kúrdeli.
