Úndistanda júk kóligi toıǵa kelgen adamdardy basyp ketti, 13-i mert boldy
ASTANA. QazAqparat - Úndistannyń Radjasthan shtatynda úılený toıy kezinde júk kóligi adamdardy basyp ketti. Saldarynan 13 adam qaza tapty jáne 15-i jaraqat aldy, dep habarlaıdy NDTV telearnasy.
Oqıǵa dúısenbi kúni keshkisin Pratapgarh okrýgi Ambavalı (Ambawali) eldi mekeninde bolǵan. Tasjoldyń boıyndaǵy toı qyzyp jatqan kezde júk kóligi adamdardy basyp ketken.
Telearna habarlaǵandaı, zardap shegýshilerdiń arasynda qalyńdyq ta bar. Olar aýrýhanaǵa jetkizildi. Polıtsııa oqıǵanyń mán-jaıyn anyqtap jatyr.
