Úndistanda júk kóligi men avtorıkshalar soqtyǵysyp, 16 adam qaza tapty
NUR-SULTAN. QazAqparat – Úndistannyń soltústik shtaty Ýttar-Pradeshte júk kóligi men avtorıkshalar soqtyǵysyp, 16 adam mert boldy, dep habarlaıdy QazAqparat The Times of India gazetine silteme jasap.
Basylymnyń málimetinshe, oqıǵa Shahdjahanpýr okrýgine jaqyn mańdaǵy jolda bolǵan. Júk kóligi jyldamdyǵyn asyryp, jolaýshylar mingen eki avtorıkshaǵa soǵylǵan.
Jol apatynan kem degende bes adam zardap shekti. Olar aýyr jaraqat alǵan.
Ýttar-Pradeshtiń bas mınıstri Iogı Adıtıanath zardap shekkenderdi aýrýhanaǵa jiberip, marqumdardyń otbasylaryna ótemaqy tóleýdi tapsyrdy.
