Úndistanda jolaýshylar poıyzynan bomba tabyldy
ASTANA. QazAqparat - Oqıǵa beısenbige qaraǵan túni boldy. Haora qalasynan (Batys Bengalııa shtaty) Amrıtsarǵa (Pendjab shtaty) baǵyt alǵan júrdek poıyz mashınısi beısenbi kúni 01.14 kezinde vagondardyń birindegi dárethanadan kúdikti zat taba salysymen, poıyz quramyn Ýattar-Pradesh shtatynyń stansasyna toqtatqan
Eki vagon jolaýshylary quramnan evakýatsııalandy. Oqıǵa ornyna kelgen polıtsııa qyzmetkerleri men saperler kúdikti zattyń bomba ekendigin anyqtady.
«Oqıǵa ornyna saperler toby kelip, jarylǵysh zat poıyzdan shyǵarylyp, zalalsyzdandyryldy», - dedi ND telearnasynyń efırinen Ýattar-Pradesh polıtsııasynyń ókili Saýmıtra ıAdav.
Jarylǵysh qurylǵymen birge Abý Dýdjanyń «Lashkar-ı-Taıba» lańkestik toby sodyrlarynyń ólimi úshin kek qaıtarylatyndyǵy jaıly jazylǵan jazba da tabyldy.
