Úndistanda jolaýshylar poıyzy relsten shyǵyp ketip, 60 adam ajal qushty
ASTANA. QazAqparat - Úndistannyń soltústiginde jolaýshylar poıyzynyń 14 vagony relsten shyǵyp ketip, 60 adam qaza tapty. Buǵan deıin «30 jolaýshy ajal qushyp, 150 adam zardap shekti» dep habarlanǵan edi, alaıda qurbandar sany sát saıyn ósip keledi, dep habarlady New Indian Express gazeti.
Oqıǵa Pýkraıan qalasyna jaqyn jerde oryn aldy. Sebebi ázirge belgisiz. Alaıda keı derekkózder apatqa relsterdiń aqaýy sebep bolýy múmkin ekenin aıtýda.
