Úndistanda jolaýshylar mingen júk kóligi apatqa ushyrady
ASTANA. 15 maýsym. QazAqparat - Jolaýshylar mingen júk kóligi Úndistannyń soltústik-batysynda aýdarylyp ketti. Oryn alǵan oqıǵanyń saldarynan kem denede 24 adam, onyń ishinde 8 bala qaza boldy.
Bul týraly sheteldik BAQ-qa silteme jasap, Ýtro. Rý habarlaıdy.
Qaıǵyly oqıǵa Gýdjarat shtatynda boldy. Júk kóliktiń ishinde tuz toltyrylǵan qapshyqtar bolǵan, onyń ústinde adamdar otyrǵan. Joldyń burylysynda júrgizýshi basqarý tetigine ıe bola almaı qalyp, kólik aýdarylyp ketken. 24 adam kóz jumyp, 15-i jaraqat aldy.
Júrgizýshi oqıǵa ornynan izin sýytqan, polıtsııa ony izdestirýde. Bılik ókilderi málim etkendeı, qaza bolǵandar men jaraqattanǵandardyń otbasylaryna materıaldyq kómek kórsetedi.
