Úndistanda jolaýshylar avtobýsy ózenge qulap, 30-dan astam adam qaza boldy
ASTANA. 9 mamyr. QazAqparat - Úndistannyń soltústigindegi Hımachal-Pradesh shtatynda jolaýshylar avtobýsy ózenge qulap, 32 adam qaza tapty.
Bul týraly 24.kz habarlady.
Oqıǵa Kýllý qalasynyń mańyndaǵy taý bókterinde boldy. Polıtseılerdiń aıtýynsha, jolaýshylardyń denin sýdyń kúshti aǵyny alyp ketken. Al, kólik júrgizýshisi avtobýstan sekirip úlgergen. Bundaı jaǵdaılar Úndistanda, ásirese, taýly aımaqtarda jıi bolyp turady. Naýryz aıynda da osyndaı jol apaty tirkelip, 40 shaqty adam mert bolǵan edi.
