Úndistanda jolaýshylar apaty oryn aldy, adam qurbandyqtary bar
ASTANA. Qyrkúıektiń 20-sy. QazAqparat - Búgin tańerteń Úndistanda temirjol apaty oryn aldy. Madhıa-Pradesh shtatynda júk poıyzy stansada turǵan jolaýshylar poıyzyna soqtyǵysyp qaldy, dep habarlaıdy RosBıznesKonsaltıng.
Aldyn-ala málimetter boıynsha, poıyz apatynyń saldarynan 15 adam qaza bolyp, 50 adam túrli jaraqat alǵan. Qazir qutqarýshylar úıindilerdi arshýda. Úndistannan kelip jatqan telekadrlardan poıyz vagondarynyń qatty zaqymdanǵany kórinýde.
Úndistannyń quqyq qorǵaý organdary apattyń sebebin ázirge ataǵan joq. Degenmen, poıyzdardyń apatyna jaısyz aýa raıynyń, atap aıtqanda, nóser jańbyrdyń sebep bolý yqtımaldyǵy aıtylýda, dep habarlaıdy VVS agenttigi.
