Úndistanda jolaýshy toly avtobýs shatqalǵa qulap ketti
ASTANA. QazAqparat - Úndistan shyǵysyndaǵy Trıpýra shtatynda avtobýs shatqalǵa qulap, sonyń saldarynan kem degende 30 adam jaraqat alǵan, dep habarlaıdy QazAqparat NDTV telearnasyna silteme jasap.
Telearnanyń habaryna qaraǵanda, jol apaty búgin tańerteń Dhalaı okrýginde bolǵan. Apat saldary ázirge belgisiz.Jergilikti medıtsınalyq qyzmet ókilderiniń aıtýynsha, 30 jolaýshynyń 22-si hal ústinde jatyr. Qazir olarǵa aýrýhanada kómek kórsetilýde. Qaza tapqandar týraly aqparat joq.Shtattyń bas mınıstri Bıplab Kýmar Deb zardap shekkender jatqan aýrýhanaǵa barǵan. Onyń aıtýynsha, qulaǵan avtobýs jolaýshylarynyń em-domyna ketetin qarajatty úkimet óz moınyna alady.
