Úndistanda jol-kólik apatynda 145 myńnan astam adam ajal qushty
ASTANA. QazAqparat - Úndistan joldarynda ótken jyly 146 myńnan astam adam ajal qushty, dep habarlady eldiń kólik mınıstrligi. Buǵan qaraǵanda, elde ár saǵat saıyn jol-kólik apaty saldarynan eń kemi 16 adam qaza tabady.
Mert bolǵandardyń 50 paıyzy 15 pen 34 jas aralyǵyndaǵy jastar. Úndistannyń kólik mınıstri Nıtın Gadkarı jol apattary soǵys pen ndetke qaraǵanda áldeqaıda kóp adamnyń ómirin qııatynyn atap ótti.
Úndistandaǵy joldaǵy kameralardaǵy jazbalarǵa qaraǵanda, jol-kólik apatyn kórgen júrgizýshilerdiń kóbi japa shekkenderdiń kómekke shaqyrǵanyna qaramastan, olardy elemeı ári qaraı júrip kete beredi, dep habarlaıdy Bı-Bı-Sı agenttigi.
