Úndistanda jol apatynan 7 adam qaza taýyp, 20-sy zardap shekti
ASTANA. QazAqparat - Úndistannyń shyǵysynda Batys Bengalııa shtatynda senbi kúni bolǵan jol apatynan 20 adam jaraqat alyp, jeti adam mert boldy. Bul týraly polıtsııanyń joǵary shendi ókili málim etti, dep habarlaıdy Sınhýa agenttigi.
«Oqıǵa 20 qańtar kúni tańerteń bolǵan, Mýrshıdabad okrýginiń Beldangesinde jolaýshylar avtobýsy joldan shyǵyp ketip, aýdarylǵan», - dedi ol.
Jeti adam oqıǵa ornynda mert bolǵan, zardap shekkender aýrýhanaǵa jetkizilgen. Onyń ishinde toǵyz adam aýyr halde jatyr.
Kýágerler polıtsııaǵa habarlaǵandaı, júıitkip kele jatqan kólik júrgizýshisi rýlge ıe bola almaı qalǵan.
«Tergeý amaldary bastaldy», - dedi quqyq qorǵaý organdaryndaǵy derekkóz.
