Úndistanda jol apaty saldarynan alty adam qaza taýyp, taǵy 24-i zardap shekti
ASTANA. QazAqparat - Úndistanda ishinde jańa ǵana otaý qurǵan erli-zaıyptylar otyrǵan avtobýs aýdarylyp, saldarynan alty adam qaza taýyp, taǵy 24-i jaraqattandy. Qaıǵyly oqıǵa eldiń soltústik-shyǵysyndaǵy Býksar qalasynyń mańynda, Bıhar shtatynyń astanasy Patnadan 140 shaqyrym jerde jergilikti ýaqyt boıynsha saǵat beske taıaý oryn alǵan. Bul týraly TASS habarlaıdy.
Jas erli-zaıyptylar men qonaqtar neke qııý rásiminen keıin Býksardan óz kentine jol júrip kele jatqan. Aldyn ala málimetter boıynsha, avtobýstyń júrgizýshisi kólik tizginine ıe bola almaı, sonyń saldarynan joldan shyǵyp ketip, aýdaryldy. Kómekke kelip jetken jergilikti turǵyndar zardap shekkenderdi avtobýstyń ishinen shyǵardy. Olardyń ishinde 10 adamǵa medıtsınalyq kómek oqıǵa ornynda kórsetildi. Taǵy 14 adam aýrýhanaǵa jetkizildi.
