Úndistanda joǵary baǵalarǵa qarsy jappaı ereýil ótti
ASTANA. Sáýirdiń 28-i. QazAqparat - Úndi shtattarynyń teń jartysynda seısenbi kúni ereýilder boldy.
Azyq-túlikter men otynnyń joǵary baǵalaryna jappaı narazylyq bildirý aktsııasy oppozıtsııa men eldiń jetekshi kásipodaqtarynyń qoldaýymen uıymdastyryldy, dep habarlaıdy ITAR-TASS agenttigi.
Qala kóshelerine shyqqan júzdegen jumysshylar ınflıatsııaǵa qarsy kúres sharalarynyń tıimsizdigi úshin úkimetti aıyptady. Naýryz aıynda ınflıatsııa 9,9 paıyzǵa - sońǵy 1,5 jyldaǵy eń joǵary kórsetkishke jetken. Osynyń saldarynan sońǵy bir jyldyń ishinde Úndistanda birinshi kezektegi qajetti taýarlardyń baǵasy 20 paıyzǵa, benzın baǵasy 13 paıyzǵa qymbattap otyr.
Ereýil saldarynan respýblıkanyń 13 shtatynda ondaǵan áýe reısteri, temirjol kólikteriniń qozǵalysy toqtatyldy, birqatar memlekettik mekemeler jabyldy. Bıhar, Orıss, Ýttar-Pradesh, Kerale qalalarynda ereýilshiler tas joldardaǵy qozǵalystardy toqtatyp, kólik keptelisterine sebep boldy. Shtattardyń birinde úsh avtobýs órtep jiberildi. Polıtsııa 400-ge jýyq adamdy qamaýǵa aldy.
