Úndistanda jaı túsip, 35 adam ajal qushty
ASTANA. QazAqparat - Úndistannyń Orıssa shtatynda jaı túsip, saldarynan 35 adam ajal qushty, 53 adam zardap shekti.
Buǵan deıin úndistandyq BAQ aýa raıynyń qolaısyzdyǵynan 14 adam qaza taýyp, 6 adamnyń zardap shekkendigin habarlaǵan bolatyn.
Jeksenbi kúni eldiń soltústik-shyǵysyndaǵy jaǵalaý okrýgteri tabıǵat apatynyń soqqysyna ushyrady. Osydan keıin naızaǵaıly jaýyn aýmaq jaǵalaýynan shalǵaı óńirlerge aýysty. Dúısenbi kúni Sambalpýr jáne Kataka okrýgterinde zardap shekkender sanynyń kúrt kóbeıgendigi tirkeldi.
