Úndistanda jaı túsip, 26 adam qaza tapty
NUR-SULTAN. QazAqparat – Úndistannyń shyǵysyndaǵy Bıhar shtatynda beısenbi kúni jaı túsip, 26 turǵyn mert boldy, dep habarlaıdy QazAqparat Hindustan Times basylymyna silteme jasap.
Bıharda qaıǵyly jaǵdaı úshinshi ret qaıtalanyp otyr. 25 maýsymda túsken naızaǵaı saldarynan 92 adam, al 30 maýsymda 11 adam qaza tapqan.
Jergilikti bılik ókilderiniń habarlaýynsha, tótenshe jaǵdaı qyzmeti qaýiptiń joǵary deńgeıin jarııalaǵanyna qaramastan adamdar kún kúrkirep, naızaǵaı oınaǵan kezde de egin alqabynda jumys isteýin toqtatpaıdy.
Bıhar úkimetiniń mınıstri Nıtısh Kýmar qaza tapqandardyń otbasyna kóńil aıtty. Sonymen qatar ol aımaqta jańbyr jaýyp, naızaǵaı jarqyldap jatqandyqtan shtat turǵyndaryn qaýipsizdik sharalaryn saqtaýǵa shaqyrdy.
