Úndistanda jasyn túsýinen 21 adam qaza taýyp, 15-i zardap shekti
ASTANA. 5 mamyr. QazAqparat - Kúshti jańbyr kezinde jasyn túsýinen Úndistandaǵy Assam men Orıssa shtattarynda 21 adam qaza tapty, dep habarlaıdy Associated Press.
Atap aıtqanda, naızaǵaı kezinde eki áıel egistikte jumys istegen. Taǵy bes adam Djadjpýr okrýginde naızaǵaı kezinde aǵashtyń astyna tyǵylýǵa árekettengende qaza tapqan, dep habarlaıdy RBK.
Budan basqa, zardap shekken 15 adam aýrýhanaǵa jetkizildi. Olardyń altaýynyń jaǵdaıy óte aýyr dep baǵalanady.
Sondaı-aq naızaǵaı kezinde negizinen ústerine aǵash qulaý saldarynan birneshe ondaǵan úıler qırady.
Qazirgi kezde qutqarý jáne qalpyna keltirý jumystary ótkizilýde. Tabıǵı apattan keltirilgen shyǵyn anyqtalý ústinde.
