Úndistanda jarylystan qaza tapqandar sany 104 adam boldy
ASTANA. QazAqparat - Úndistannyń Madhıa-Pradesh shtatynda meıramhanada bolǵan jarylys saldarynan qaza tapqandardyń sany 104 boldy.
Sondaı-aq 60-qa jýyq adam jaraqat alǵan, dep sheteldik BAQ Djabýa okrýgynyń polıtsııa ınspektoryna silteme jasap habarlady. Buǵan deıin qaza tapqandar sany 80 adam boldy dep jarııalanǵan bolatyn.
Oqıǵa Úndistannyń Petlavad qalasynda oryn alǵan.
Jarylys saldarynan meıramhana men jaqyn jerde ornalasqan 3 turǵyn úıdiń kúl-talqany shyqty. Aldyn ala málimetter boıynsha, meıramhanada gaz ballony jarylǵan. Qazirgi kezde apat ornynda jaralanǵandardy kóshirý jumystary júrgizilip jatyr.
