Úndistanda jarqanattardan qaýipti vırýs anyqtaldy
NЬıÝ-DELI. QazAqparat – Koronavırýstyń tez qarqynmen taralyp jatqan jańa úndilik nusqasynan bólek, úndilik ǵalymdardan taǵy bir jaǵymsyz jańalyq keldi.
Pýnadaǵy Ulttyq vırýsologııa ınstıtýtynyń (NIV) jergilikti zertteýshileri alǵash ret ólimge ákeletin Nipah vırýsyn Maharashtra shtatynda jarqanattardyń eki túrinen anyqtady, dep habarlaıdy QazAqparat The Industan Times -ke silteme jasap.
Qolda bar derekterge saı, Nipah vırýsyn tasymaldaýshy jarqanattar Maharashtra shtatynyń Mahabaleshvar úńgirinde tabylǵan.
Nipah vırýsy Dúnıejúzilik densaýlyq saqtaý uıymynyń (DDSU) – 10 negizgi patogeniniń biri. Alǵash ret ólimge ákeletin vırýs Malaızııada 1998-1999 jyldary entsefalıtke uqsaıtyn aýrýdyń órshýi kezinde shoshqalar arasynda anyqtalǵan. Vırýstyń órshýi Bangladesh, Malaızııa, Úndistan jáne Sıngapýr elderinde bolǵan.
AQSh-tyń Aýrýlardy baqylaý jáne aldyn alý ortalyǵynyń derekteri boıynsha, 1998-2018 jyldar aralyǵynda osy vırýsty juqtyrǵandar arasynda ólim-jitim deńgeıi 40-tan 70 paıyzǵa deıin jetken.
Qazirgi kezde Úndistan bul vırýstyń tórt órshý oqıǵasy bolǵan. Birinshi oqıǵa 2001 jyly Batys Bengalııadaǵy Sılıgýrıde tirkelgen, ekinshi oqıǵa 2007 jyly Bengalııadaǵy Nadııada anyqtalǵan. Úshinshi oqıǵa 2018 jyly Kerala shtatyndaǵy Kojıkodede tirkelgen, ol kezde ınfektsııadan 18 adam qaıtys bolǵan. Nipah vırýsynyń taǵy bir tolqyny 2019 jyly Keralede bolǵan.
Qazirgi kezde bul vırýsqa qarsy dári de, vaktsına da joq. Sol sebepti ǵalymdar alańdaýly.
