Úndistanda Ioga mınıstrligi quryldy
ASTANA. QazAqparat - Úndistanda Ioga mınıstrligi quryldy. Sonymen qatar, Halyqaralyq Úndistan fılosofııasy kúni belgilenbek, dep habarlady «Jańalyqtar» RAA.
Endi Úndistanda ıoga, aıýrveda, ýnanı, gomeopatııaǵa arnalǵan jeke arnaıy mınıstrlik bolady. Vedomstvo basshysy qyzmetine Shrıpad Naık resmı bekitilip, kiristi.
«Shrıpad Naık myrza qyzmetiniń statýsy táýelsiz jáne ol AYUSH memlekettik mınıstri retinde densaýlyq saqtaý jáne otbasy aýqattylyǵy memlekettik mınıstri laýazymyna kiristi», dep habarlandy úkimet apparatynan.
Budan buryn dástúrli emes medıtsına máselelerimen Densaýlyq saqtaý mınıstrliginiń janyndaǵy jeke departament aınalysqan. Alaıda, bul salamen jeke mınıstrlik aılanysýy qajet boldy. Úndistan jańa Ioga mınıstrligin qurýmen shektelmek emes. Qazir elde halyqaralyq ıoga kúnin belgileý týraly másele kóterilip otyr. Bul jaıynda, budan buryn da Úndistannyń Premer-mınıstri Narendra Modı habarlaǵan bolatyn.
