Úndistanda uıyqtap jatqan jigittiń ústinen beton quıyp, taptap ótken
ASTANA. QazAqparat - Úndistanda jergilikti qurylysshylardyń jumystaǵy salǵyrttyǵy saldarynan adam qaza tapty.
Toǵandy turǵyzý kezinde jumysshylar qubyrda uıyqtap qalǵan 24 jastaǵy adamdy ańǵarmaı ústinen tsement quıǵan.
Jumysshylar bul jigitti baıqamaı qalǵany belgili boldy. Tsement quıǵan soń olar alańdy túzeý úshin arnaıy tehnıkamen júrip ótken.
Bul týraly jigittiń týystary onyń joǵalǵany jóninde polıtsııaǵa habarlaǵan soń belgili boldy. Sóıtip, qurylysshylar aldymen tsementten shyǵyp turǵan qoldy baıqady. Keıin joǵalǵannyń máıitin tapty.
Jumysshylar qolymen istegenin moınymen kótergisi kelmeı, jasyrynǵan. Olarǵa adamdy abaısyzdan óltirip aldy degen aıyp taǵylyp otyr.
