Úndistanda úılený toıyndaǵylar apatqa ushyrap, 8 adam ajal qushty
ASTANA. QazAqparat - Úndistanda úılený toıyna kelgen segiz adam jol-kólik apatynan mert boldy.
Kúıeý jigit pen qalyńdyq ózge avtomobılde bolǵandyqtan zardap shekpegen.
Úndistannyń shyǵysyndaǵy Batys Bengalııa shtatynda bolǵan jol aptynan toı kortejine ilesken kóliktegi segiz adam qaza taýyp, 22-si zardap shekti, dep habarlaıdy RIA Novostı DNA gazetine silteme jasap.
Basylymnyń derekterine qaraǵanda, oqys oqıǵa beıseni kúni batys Mıdnapýr okrýginde oryn aldy. Polıtsııanyń habarlaýynsha, toı qonaqtary mingen pıkap aǵashqa soqtyǵysyp, aýdarylǵan. Alty adam sol jerde jantásilim etti, al ekeýi aýrýhanaǵa apara jatqan jolda kóz jumǵan.
