Úndistanda úsh kózdi buzaý dúnıege keldi
ASTANA. QazAqparat - Úndistannyń ońtústigindegi Tamıl-Nadý shtatynda tańǵajaıyp oqıǵa oryn aldy.
Meghala esimdi fermerdiń sharýashylyǵynda úsh kózdi buzaý týdy, dep habarlady Mirror. Іri qara ıesi muny «Qudaıdyń syıy» dep esepteıdi. Úı janýary jergilikti jurttyń ystyq yqylasy men erekshe nazaryna bólendi.
Fermer bul buzaýdy úsh kózdi qudaıdyń qurmetine Shıva dep ataǵan kórinedi. Shıva Úndistandaǵy óner men ıoganyń qamqorshy qudaıy dep esepteledi. Kún saıyn júzdegen adam buzaýǵa qol ushyn tıgizý úshin Meghalaǵa keledi. Olardyń paıymynsha, bul janýarǵa qol tıgizý sáttilik ákeledi.
