Úndistanda úsh aıaqty qyz dúnıege keldi
ASTANA. QazAqparat - Bul erekshe bala Úndistannyń shyǵysyndaǵy shaǵyn Djangaon qalasynda dúnıege kelgen.
Qyz «qalypty» aıaq arasyndaǵy shabynda ornalasqan úshinshi aıaǵymen týdy, dep habarlaıdy Mirror.
Onyń bundaı aýytqýy - ómirge keletin árbir 100 000-shy sábıde kezdesetin «egiz-parazıt» bıologııalyq qubylysy saldarynan bolǵan. Osyndaı patologııada egizdiń biri aǵzaǵa qajettilerdi ekinshi kem damyǵanynan sińirip alady. Nátıjesinde egiz-parazıttiń denesi tolyǵymen nemese jarym-jartylaı «kúshti» syńaryna jabysady.
Jańa týǵan sábıge jeti kún tolǵanda onyń ata-anasy Haıdabaradon qalasyndaǵy (Úndistandaǵy Telangan shtatynyń ákimshilik ortalyǵy) aýrýhanaǵa alyp barady. Qyzǵa úsh saǵat boıy ota jasalyndy. Onyń úshinshi aıaǵy alynyp tastaldy, dárigerler balanyń tolyqtaı saýyǵyp ketýine ýáde berip otyr.
