Úndistanda úsh adamdy óz úıinde órtep jibergen
ASTANA. QazAqparat - Úndistannyń shyǵysynda musylmandar men úndilerdiń arasynda bolǵan qaqtyǵys kezinde úsh adam óz úıinde órtke orandy, dep jazady Bı-bı-sı.
Bıhar shtatynyń ákimshilik basshysy Atýl Prasad (Atul Prasad) qaqtyǵystyń jeksenbi kúni bir apta buryn joǵalǵan úndi balasynyń múrdesi Saraııan aýylynda tabylǵan soń bastalǵanyn habarlaǵan.
Prasad, sonymen qatar, úndilikter toby balanyń ólimine musylmandardyń qatysy bar dep kinálaýda. Olardyń aıtýynsha, ol aýyldaǵy musylman qyzben dos bolǵandyqtan óltirilgen, dep habarlady Assoshıeıted Press agenttigi.
Polıtsııa jergilikti úndi qaýymdastyǵynyń 8 ókilin ustady. Olarǵa kedeı musylman aýyldarynda ondaǵan úıdi órtedi degen aıyp taǵyldy. Qazir aýyldaǵy jaǵdaı turaqtaldy, tergeý amaldary jalǵasýda.
