Úndistanda tyńshylyqpen aınalasty degen kúdikpen 150 kógershin ustaldy
ASTANA. QazAqparat - Úndistan polıtsııasy Kashmır alqabynda Pákistan barlaýshylary tyńshylyqqa jiberýi múmkin degen kúdikpen 150-den astam kógershindi ustady. Bul týraly Khaleej Times habarlady.
Shekara mańynda kúdikti júk kóligi toqtatyldy. Quqyq qorǵaýshylar ondaǵy karton jáshikterdi ashyp, saqına taǵylǵan jáne qyzyl boıaýmen belgilengen qanattylardy kórdi.
Oqıǵa Djammý shtatynda jáne Kashmırde boldy. Qalypty tekseris barysynda quqyq qorǵaýshylar shekara mańynda kúdikti júk kóligin toqtatqan. Jáshikterde 150-den astam qus bolǵan. Keı qustardyń aıaǵynda túrli-tústi saqınalar bar.
Qazir Úndistan quqyq qorǵaý organdary qustardyń tyńshylyqqa nemese Pákistan shekarasy arqyly qupııa aqparat almasýǵa arnaıy úıretilgen-úıretilmegenin tekserip jatyr. Biraqatar sarapshy qustardaǵy alýan tústiń kod ekenin aıtýda, dep jazdy Lenta.rý.
Qustar asa aıanyshty jaǵdaıda tasymaldanǵan. Tergeý aıaqtalǵan soń olar bostandyqqa jiberiledi.
