Úndistanda týrıster mingen avtobýs Gımalaıdyń eteginde shatqalǵa qulap, 22 adam qaza tapty
ASTANA. 8 qańtar. QazAqparat - Úndistanda týrıster mingen avtobýs Gımalaıdyń eteginde shatqalǵa qulap ketti, sonyń saldarynan 22 adam qaza taýyp, taǵy birnesheýi zardap shekti. Oqıǵa eldiń soltústik bóliginde boldy, dep málimdedi Ýttarakhand provıntsııasynyń bılik ókilderi.
Kólik oqıǵasy 52 týrıst (barlyǵy - Úndistan azamattary) mingen avtobýs Harıdvar qalasyna qaıtyp kele jatqan kúni keshke bolǵan, dep habarlaıdy Associated Press. Qaza bolǵandardyń arasynda 13 bala bolǵany anyqtaldy.
Aldyn ala málimetter boıynsha, avtobýs júrgizýshisi kólikti basqara almaı, úlken jyldamdyqpen tas joldan shyǵyp ketken, sodan keıin avtobýs Gımalaıdyń etegindegi shatqalǵa qulaıdy. Kýágerlerdiń sózine qaraǵanda, birneshe jolaýshy júrgizýshiden jyldamdyqty tómendetýin ótingen eken.
