Úndistanda tuman saldarynan 150 kólik soqtyǵysty
ASTANA. QazAqparat - Dúısenbi kúni Úndistannyń soltústigindegi kúre jolda kem degende 50 kólik soqtyǵysty. Apat saldarynan bir adam qaza taýyp, 26 adam zardap shekken, dep habarlaıdy dúısenbi kúni óziniń elektrondyq nusqasynda Times of India gazeti.
Oqıǵa úndi astanasynyń janyndaǵy Úlken Noıda qalasynan tanymal Táj-Mahal kesenesi ornalasqan Agra qalasyna deıin aparatyn altyjolaqty kúre jolda oryn alǵan. Bul týraly TASS habarlaıdy.
Quqyq qorǵaý organdarynda jol-kólik apaty kezinde qalyń tuman saldarynan jolda eshteńe kórinbegenin aıtady. «Avtomobıl birinshi júk kóligine soqtyǵysqan. Odan keıin olarǵa qalǵan kólikter soǵyldy. Oqıǵa ornyna qutqarýshylar men jol qyzmetteri kelip jetti», - dep atap ótti polıtsııada.
Úndistan jol-kólik apattarynyń sany boıynsha álemde birinshi oryn alyp otyr. Jyl saıyn el joldaryndaǵy apattar 150 myńǵa deıin adamnyń ómirin qıyp áketýde.
