Úndistanda tórt qabatty ǵımarat opyryla qulap, birneshe adamdy basyp qaldy
DELI. QazAqparat – Delı qalasynda tórt qabatty ǵımarat opyrylyp tústi. Úıindi astynda adamdar qalyp qoıdy, dep habarlaıdy QazAqparat India TV telearnasyna silteme jasap.
Jergilikti polıtsııa oqıǵa bolǵan kezde ǵımaratta birneshe adam, sonyń ishinde eki bala shyǵa almaı qalýy múmkin ekenin málimdedi. Oqıǵa kezinde bul ǵımaratta qurylys jumystary júrip jatqan. Sondaı-aq, polıtseıler bir zardap shegýshiniń úıindi astynan shyǵarylyp, aýrýhanaǵa jetkizilgenin aıtty.
Delıdiń órt sóndirý qyzmetiniń bastyǵy Atýl Garg tar kóshelermen aýyr tehnıkalardy alyp ótýde qıyndyq týyndap, úıindilerdiń qolmen arshylyp jatqanyn málimdedi.
