Úndistanda teplovoz relsten shyǵyp ketip 23 adam mert boldy
ASTANA. QazAqparat - Úndistannyń ońtústik shyǵysyndaǵy Andhra-Pradesh shtatynda poıyzdyń apatqa ushyraýyna baılanysty keminde 23 adam qurban bolyp, 100 adam túrli dene jaraqattaryn aldy, dep habarlaıdy Bı-bı-sı.
Vızıanagaram okrýgindegi stantsııada jeti vagon men teplovoz relsten shyǵyp ketken. Poıyzdyń kóptegen jolaýshylary osy ýaqytqa deıin temir-tersektiń astynda jatyr. Sol sebepti qutqarýshylar oqıǵanyń saldarynan mert bolǵandar sanynyń artýy múmkindigin aıtyp otyr.
Poıyzdyń apatqa ushyrý sebebi ázirge belgisiz. Zardap shekkenderdiń jaqyn aradaǵy arýhanalarǵa jetkizilgendigi týraly ǵana aıtylǵan.
Oqıǵa senbi kúni keshkisin boldy. Poıyz Djagdalpýradan Bhýbaneshvarǵa ketip bara jatqan.
Poıyzdar apaty Úndistanda jıi bolady. Sebebi eldiń temir jol jelisiniń jaǵdaıy óte nashar. Ótken jyldyń qarasha aıynda eldiń soltústigindegi Ýttar-Pradesh shtatynda poıyzdyń apatqa ushyraýynan 140 adam mert boldy.
2015 jyldyń naýryz aıynda temirjol apatynyń saldarynan osy shtatta 39 adam kóz jumdy.
