Úndistanda tennısten Azııa/Muhıt aımaǵyndaǵy Junior Fed Cup jarysy ótip jatyr
ALMATY. 27 sáýir. QazAqparat /Erlik Erjanuly/ - Úndistannyń Nıý-Delı qalasynda tennısten Qazaqstanyń jastar arasyndaǵy qyzdar quramasy Junior Fed Cup irikteý kezeńin sátti ótkizýde. 26 sáýir kúni bastalǵan bul jarysta olar keshe fılıppındikterdi 3:0 esebimen utqan edi, búgin malaızııalyqtardy ta oısyrata utyp, 6 upaımen óz tobynda kóp bastady.
Erteń Jańa Zelandııa quramasymen kezdesedi. Onda el namysyn astanalyq Kamıla Kerimbaeva, Anna Danılına, Anastasııa Epeshova jáne Vera Tıhomırova (kapıtan) qorǵap jatyr.
Jalpy bul dúbirli dodanyń irikteý kezeńinde Avstralııa, Taıpeı, Gonkong, Úndistan, Indonezııa, Japonııa, Koreıa, Malaızııa, Jańa Zelandııa, Ózbekstan, Taıland, Shrı-Lanka, Qytaı, Fılıppın men Sıngapýr quramalary 4 topqa bólinip baq synap jatyr. Qazaqstandyqtar onda «D» tobynda óner kórsetýde. Eger olar endi óz tobyndaǵy sońǵy qarsylasyn utatyn bolsa Azııa/Muhıt aımaǵyndaǵy úzdik tórttiktiń qataryndaǵy óz ustanymyn nyǵaıtyp, Junior Fed Cup-tyń pleı-off kezeńe shyǵatyn joldamany ıelenedi. Alǵashqy kezdesýde Anastasııa Epeshova fılıppındik Marıan Jade Kapadosıangy 6:4, 6:3 esebimen utqan edi. Ekinshi matchta Anna Danılına Maıký Djae Tanpokty 6:1,6:0 esebimen oısyrata jeńdi. Juptyq kezdesýde Kamıla Kerimbaeva men Anna Danılına Jasmın Ho men Maıka Jae Tanpoktan 6:2,6:4 esebimen basym tústi. Al malaızııalyqtarmen bolǵan búgingi oıynda aldymen Kamıla Kerimbaeva Djıa Veı Tıdi, odan keıin Anna Danılına Lın Ien Choony 6:0, 6:2 esebimen tize búktirdi. Juptyq synda Kamıla Kerimbaeva men Anastasııa Epısheva Djıa Veı Tı men Lın Ien Choony 6:0, 6:3 esebimen utty.
