Úndistanda temperatýralyq rekord - +51 gradýs tirkeldi
ASTANA. QazAqparat - Keshe úndistandyq Radjastan shtatynyń Phalodı qalasynda termometr kórsetkishi +51 gradýsqa jetti. Bul meteobaqylaý tarıhyndaǵy Úndistandaǵy eń joǵary temperatýra.
Budan buryn rekord 1956 jyly jazda tirkelgen. Ol kezde Radjastan shtaty Alvar qalasynda temperatýra +50,6 gradýsqa jetken. Shtattyń birqatar basqa da qalalarynda temperatýralyq rekord jańartyldy, dep habarlady RIA Novostı.
Úndistannyń Meteorologııalyq departamentiniń derekterine sáıkes taıaý kúnderi aptap ystyq kúsheıe túsedi, termometr kórsetkishi +47-den joǵarylaıdy.
