Úndistanda tas laqtyrý festıvalinde 460 adam zardap shekti
ASTANA. QazAqparat - Úndistandaǵy Gotmar tas laqtyrý festıvali barysynda 462 adam jaraqat aldy, onyń úsheýiniń jaǵdaıy aýyr. Bul týraly India Today gazeti habarlady.
Jyl saıyn ótetin bul dástúr úsh ǵasyrdan beri júrgizilip keledi, dep jazady Lenta.rý.
Festıval kezinde Savargaon men Pandhýrna aýyldarynyń turǵyndary Djaan ózeniniń jaǵasyna shyǵyp, aǵashta ilinip turǵan jalaýdy julyp alý úshin belgi berilgen kezde sportshylar ortasyndaǵy aralǵa qaraı umtylady.
Jaǵada qalǵandar qarsylastaryna tas laqtyrady. Basylymnyń atap ótýinshe, mereke bir nemese birneshe qatysýshynyń ólimimen aıaqtalǵan kezder de bolǵan. Bul dástúr pandhýrnalyq bir jas jigittiń qyzdy alyp qashyp, ózendi keship ótip bara jatqan kezde oǵan adamdardyń tas laqtyrýymen baılanysty qalyptasqan. Oǵan kómekke Pandhýrna turǵyndary kelgen.
Bıyl bul áreket tártipsizdikke ulasqan. Jınalǵan jurtshylyq polıtseıler men dárigerlerge tas laqtyra bastaǵan soń, tártip saqshylary kózdi jasaýratatyn gazdy qoldanǵan.
