Úndistanda sýyqqa baılanysty qoryqtaǵy janýarlardyń tólderin kórpege orap jatyr
KAZIRANGA. QazAqparat – Úndistanda Kazıranga ulttyq saıabaǵynda sýyq aýa raıyna baılanysty janýarlarǵa kórpe jamyldyryp, olardy úrlemeli jylytqyshtar kómegimen jylytyp jatyr.
Jabaıy tabıǵatty qalpyna keltirý jáne saqtaý ortalyǵynyń janýarlaryna kórpe men jylytqyshtar taratyldy, dep habarlaıdy QazAqparat NDTV saıtyna silteme jasap.
«Biz, ásirese, múıiztumsyqtar men pilderdiń tólderine qamqorlyq kórsetemiz, olardy jyly kıindiremiz», - dedi Jabaıy tabıǵatty qalpyna keltirý jáne saqtaý ortalyǵynyń mal dárigeri Samsýl Alı.
Qazirgi kezde ulttyq saıabaq qaraýynda toǵyz pil, bes jylqy jáne bir jolbarys tóli, sonymen qatar basqa da janýarlar bar. Bılik olardyń tamaqtanýyna erekshe kóńil bólýde, olarǵa qorektik zattarǵa baı tamaq beredi.
Ulttyq saıabaqtaǵy qustar qys aılarynda sýyqtan qorǵaý maqsatynda ınkýbatorlarda ustalady.
Sársenbi kúni Kazırangada aýa temperatýrasy 10 gradýs jyly boldy, bul – rekordtyq tómen temperatýra.
