Úndistanda sý tasqynynan qaza tapqandar sany 170-ten asty
NUR-SULTAN. QazAqparat – Úndistannyń túrli óńirlerinde tolassyz jaýǵan mýsson jańbyrynan týyndaǵan sý tasqyny bes kúnde 174 adamnyń ómirin qıdy, dep habarlaıdy QazAqparat The Times of India basylymyna silteme jasap.
Gazettiń jazýynsha, keshegi jeksenbiniń ózinde 33 adam ajal qushqan.
Tasqyn eldiń ońtústik-batysyndaǵy Kerala, batysyndaǵy Gújarat shtattaryna kóp zalal keltirip jatyr. Sońǵy kúnderi Keralada 15, Gújaratta 11 adam qaza tapqan.
Sońǵy kezderi Úndistannyń ońtústigi men batys jaǵalaýlarynda mýsson jańbyry quıyp tur. Al shilde aıynda mýsson jańbyry eldiń shyǵysyna alapat shyǵyn ákelip, júzdegen adamnyń ómirin qıǵan edi, budan tys 10 mıllıonnan astam adam zardap shekken.
Eske sala keteıik, maýsymnyń sońynda Ońtústik Azııaǵa sońǵy on jyldaǵy eń kúshti mýsson kelgen bolatyn. Tolassyz jaýǵan jańbyrdan kólik qozǵalysy qıyndap, ǵımarattar qırady jáne qaıǵyly oqıǵalar kóp boldy.
